कार्बी आङलोङ स्वायत्त परिषदको कफी बोर्ड अध्यक्षमा राजु भट्टराई नियुक्त; गोर्खा समाजमा उत्साह

कार्बी आङलोङ स्वायत्त परिषदको कफी बोर्ड अध्यक्षमा राजु भट्टराई नियुक्त; गोर्खा समाजमा उत्साह

[Nelive24], पश्चिम कार्बी आङलोङ अविभाज्य कार्बी आङलोङ जिल्लाका प्रतिष्ठित नेता तथा जुझारु व्यक्तित्व श्री राजु भट्टराई कार्बी आङलोङ स्वायत्त परिषद (KAAC) अन्तर्गतको कफी बोर्ड (Coffee Board) को अध्यक्ष पदमा नियुक्त हुनुभएको छ। कार्बी आङलोङ स्वायत्त परिषद सचिवालयको तर्फबाट उहाँलाई यस गरिमामय पदको जिम्मेवारी सुम्पिएको हो।

​कुशल संगठकको नयाँ जिम्मेवारी पश्चिम कार्बी आङलोङको उम्लाफेर निवासी राजु भट्टराई लामो समयदेखि सामाजिक र राजनीतिक क्षेत्रमा सक्रिय हुनुहुन्छ। उहाँ अविभाज्य कार्बी आङलोङ जिल्ला 'आग्सु' (AAGSU) का पूर्व मूल सचिव समेत हुनुहुन्छ। हाल भारतीय जनता पार्टीका निष्ठावान नेताका रूपमा परिचित भट्टराईले असम गोर्खा सम्मेलन पश्चिम कार्बी आङलोङ जिल्ला समितिको सभापति पदको जिम्मेवारी समेत कुशलतापूर्वक निभाइरहनुभएको छ।

​क्षेत्रीय विकासमा टेवा पुग्ने विश्वास परिषदको कफी बोर्ड जस्तो महत्वपूर्ण विभागको नेतृत्व सम्हालेसँगै यस क्षेत्रमा कफी खेतीको प्रवर्द्धन र स्थानीय कृषकहरूको उत्थानमा नयाँ उचाई प्राप्त हुने विश्वास गरिएको छ। एक निष्कलंक छवि र जातीय सँग्रामीको रूपमा चिनिनुहुने भट्टराईको नियुक्तिलाई लिएर गोर्खा समुदायका विभिन्न संघ-संस्थाहरूले खुसी व्यक्त गरेका छन्।

​बधाई तथा शुभकामनाको ओइरो भट्टराईको यस सफलतामा विभिन्न तहका सामाजिक कार्यकर्ता, बुद्धिजीवी र शुभचिन्तकहरूले बधाई ज्ञापन गरेका छन्। उहाँको सफल, पारदर्शी र प्रभावकारी कार्यकालको कामना गर्दै क्षेत्रको विकासमा उहाँको योगदान कोशेढुङ्गा साबित हुने अपेक्षा राखिएको छ।